History - Orbe qui Praesul
Jun 29, 2020 (octaviusarc)
Added Hymn verses
tex_verses
Véstibus donas própriis egéntem,
dum riget totis fera bruma castris,
quas ad ornátum sibi vult decéntem
Christus in astris.
Iam status sordet tibi militáris,
et calet pectus melióre flamma:
tu sacer Christo sacra destináris
miles ad arma.
Hoste cum multo subeúnda pugna,
Mille cum monstris, vitiísque mille;
ne qua commíssum fériat malígna
pestis ovíle.
Tu simul morbis medicína cunctis,
cómprimis mortem, retinésque vinctam,
et potes rursum túmulo sepúltis
réddere vitam.
Trínitas, unum veneránda numen,
da tuæ laudis decus ad perénne,
dulce Martíni celebráre nomen
tempus in omne. Amen.